عراقي انه
انطيني من وكتك ثواني ما اكلك اني واني
شاعر من أهل العراق عربي وأصلي عدناني
قريشي ومن أهل قحطان لاتركي ولا مدغوش بأفغاني
لك الزمان بيوم ذر الناس...الزمان عليك ذراني
وأخذ يردف علي ضرباته باليافوخ لحد ماحيل خواني
لكن بيه طبع ما طيح روح أسأل علي وشهودي عدواني
مو أنسان يحجي وياك جرح يمشي عله طولة وشمعة بصواني
ما عندي لجوء أيجتف الأنسان ولامربوط بلساني
وك استاتس عندي من عمان وسياسي كوفي عنان سماني
عراقي انه........من زاخو لحد الفاو عنواني
دجلة امي وابوي اسمه الفرات وليلي مرجاني
عمت عين الزمان اشلون ذباني
ولو حزبضميري الجوع بس ما غير ألواني
إيخسه التاريخ إذامو بأول احروفه يحط اسم العراق ويشطب الثاني
عراقي آنه ............والبكلبي عله الساني
آنه ألما صحت يوم احاه وعله أمتوني تكطع صوت سجاني
وأظن ما قصريت أوياه أخويه الجان ينخاني
يأشر بيده من أبعيد جديم الكوم يلكاني
عطش مره شلت نهر الفرات وجيت وشفت دجلة عله الجولان يتناني
عراقي انه ....واليبيعن جكاير عل الرصيف اليوم نسواني
والماتو بحسرة علبة حليب اطفال هذوله اطفال خواني
ما اغني بعد بلاد العرب أوطاني
من الشام لبغدانِ ومن نجدِ الى يمنِ الى مصر فتطواني
عراقي انه..ولو تعرفني كل الناس بس اعطيك برهاني
من دارو علي امريكا واسرائيل وعرب اخر زمان وحته جيراني
ما هزوا وحك عينك شعره من شعرات وجداني
عراقي انه ...............................عراقي انه
]]>